|
Festîvala Laleş Ya Rewşenbîrî
Dema Nû-Hewlêr
Festîvala Laleş Ya Rewşenbîrî di 13-15 tîrmeha sala 2006’an da,
li Dihok û Şêxanê wê bê çekirinê.
Festîvala Laleş Ya Rewşenbîrî, di bin çavderiya Wezîrê Roşenbîrî
ya Hikumeta Herêma Kurdistan Felekeddîn Kakayî da û jêrnavê
“Laleş Herdem Kaniyeka Zelal e Di Horte Robarê Rewşenbîrî ya
Kurdî Da”, ji aliyê Bîngeha Laleş Ya Rewşenbîrî li Dihokê,
hatiye amade kirin.
Wezîrê Roşenbîrî Felekeddîn Kakayî û Waliya Dihokê Temer Remazan
jî wê beşdarê festîvalê bin û biaxivin.
Her usa di festîvalê da, ku wê 3 roj berdewam be, li ser mijarên
giring semineran wê bê çekirinê. Gelek hunermend jî di beşa
huneriya festîvalê da cî bigrin û bi pêşkeş kirina hunerên xwe
festîvalê bixemlinin.
Hinek semînerên Festîvala Laleş Ya Rewşenbîrî bî vî awayî ye:
- Kurdzanî li Sowyêta Berê û Niha, ji aliyê (Profesor Şakirê
Xido,
- Mafên Êzîdiyan Di destura Iraq û Kurdistanê Da, ji aliyê Zahîr
Kazim Abîd,
- Metrayî Wêjeyanî Li Ber Ronahiya Dokumentêt Arkelojî, ji aliye
Abdulreqib Yusif,
- Mala Êzîdiyan li Oldenburgê, ji aliyê Eskerê Boyîk,
- Ezmuna Xwendina Babetê Êzdeyatî li Qutabxane, ji aliyê Rêsan
Hesen û Şemo Qasim,
- Seretayî Xulqan Li Deqekanî Kurdî Da / Êzdî û Kakayî wek Nimune
(Destpêka Xulqandinê Di Metna Kurdî Da / Bo Nimune Êzdî û Kakayî)
ji aliyê Tariq Cambaz,
- Kurdolojî û Êzdeyatî, ji aliyê Xelîl Cîndî,
- Şengal û Tarîx, ji aliyê Kifa Mehmud.
Ji amedekar û
rêvebirên Fêstîvala Laliş ya rewşenbîrî re!
Xuşk û birayên hêja ,
ez weke Êzdiyekî ji
bakurê Kurdîstanê û niha li Almaniya yê dijîm, gelekî dilxweşim
ku wezîrê rewşenbîrî yê Hukûmeta Kurdistanê birêz „Felekedîn
Kakey“ û parizgarê parizgeha Duhokê birêz „Temer Remezan“ alîkarî
dane „Bîngeha Laleş Ya
Rewşenbîrî” û we bihevûdinê re ev bernama
Fêstîvala Laliş ya
rewşenbîrî ku li ber dilê min ji bona nasandina Êzdiyatiyê gelekî
giran buha û pêwîste amadekir.
Hêvî darim ku hemû
serkêşên semînar û çalakiyên Fêstîvala Laliş ya rewşenbîrî di vê
piştevaniya rewşenbîrya resena Kurdî de serkeftî bin û Xwedê bike
em Êzdî jî karibin ji vir û pêve çalakî û fêstivalên xwe yen weha
girîng li ser navê hûnera tifaqa ku ji aliyê gelek kesên zahne û
oladar,
rêxistin, Meclisa Ruhanî, dezgeh, komel û malên me
Êzdiyan ve hatiye damezirandin pîroz bikin.
Xwedê bike
hûn di vê çalekiya xwe de gelekî serfiraz bin û em ji hûnera we
şermekar nebin .
Rêz û silav
Kemal Tolan
|
